வற் வரியை பதிவு செய்யாமல் நுகர்வோரிடமிருந்து வசூலிக்கும் நிறுவனங்களைக் கண்டறிய நடவடிக்கை!

வற் வரியைப் பதிவு செய்யாமல் அதனை நுகர்வோரிடமிருந்து வசூலிக்கும் நிறுவனங்களைக் கண்டறிய இறைவரி திணைக்களம் சோதனையில் ஈடுபட்டுள்ளதாக திணைக்களத்தின் உயர் அதிகாரி ஒருவர் தெரிவித்தார்.

வற் வரிக்காக பதிவு செய்யப்பட்ட வர்த்தக நிறுவனங்கள் வியாபார நடவடிக்கைகளில் ஈடுபடும்போது, அவர்களின் வெற் பதிவு எண்ணை நுகர்வோரின் பார்வைக்குக் காண்பிக்க வேண்டியது கட்டாயமாகும்.

இவ்வாறு செயற்படாத வர்த்தக நிறுவனங்கள் தொடர்பில் இறைவரித் திணைக்கள ஆணையாளருக்கு வாடிக்கையாளர்கள் நேரடியாகவே முறைப்பாடு செய்யலாம்.

இதேவேளை, இது தொடர்பில் அதிகளவான முறைப்பாடுகள் கிடைக்கப்பெற்றுள்ளதாகவும் அவவை தொடர்பில் நடவடிக்கை எடுக்கப்பட்டுள்ளதாகவும் அவர் மேலும் கூறினார்.