மட்டக்களப்பு – காத்தான்குடி பொலிஸ் பிரிவிலுள்ள ஆரையம்பதி ( மாவிலங்கத்துறை)பகுதியில் நேற்று (29.04.2026) புதன்கிழமை இரவு இடம்பெற்ற ஒரு கொடூர சம்பவம், உள்ளூர் சமூகத்தை பெரும் அதிர்ச்சியில் ஆழ்த்தியுள்ளது.
போதைப்பொருளுக்கு அடிமையானதாக சந்தேகிக்கப்படும் 24 வயதுடைய தந்தை ஒருவர், தனது உடலில் ஏற்பட்ட புண்ணிலிருந்து தோலை கீறி எடுத்து, தனது ஒரு வயது குழந்தைக்கு சாப்பிடுமாறு ஊட்டியதாக கூறப்படும் சம்பவம் வெளிச்சத்திற்கு வந்துள்ளது.
இந்த சம்பவம் குறித்து தகவல் கிடைத்ததும், அப்பகுதி மக்களும் பொலிஸாரும் உடனடியாக நடவடிக்கை எடுத்துள்ளனர்.
பொலிஸார் மேற்கொண்ட நடவடிக்கை
சம்பவம் தொடர்பாக குறித்த நபர் கைது செய்யப்பட்டுள்ளார்
அவரிடமிருந்து சுமார் 2300 மில்லிகிராம் “ஜஸ்” போதைப்பொருள் கைப்பற்றப்பட்டதாக பொலிஸார் தெரிவித்துள்ளனர்
குழந்தை பாதுகாப்பாக மீட்கப்பட்டுள்ளதாகவும் தெரிவிக்கப்பட்டுள்ளது.
மனைவியின் தற்கொலை முயற்சி
குறித்த கொடூர செயலைக் கண்ட மனைவி, அதிர்ச்சியில் அலரி விதைகளை உட்கொண்டு தற்கொலை முயற்சி செய்ததாக தெரிவிக்கப்படுகிறது.
அயலவர்கள் துரிதமாக செயல்பட்டு, அவரை காப்பாற்றி 1929 அவசர உதவி இலக்கத்திற்கு தகவல் வழங்கியுள்ளனர்.
அதனைத் தொடர்ந்து, மருத்துவ உதவி வழங்கப்பட்டு, அவர் தற்போது சிகிச்சை பெற்று வருவதாக ஆரம்ப தகவல்கள் தெரிவிக்கின்றன.
மேலதிக நடவடிக்கைகள்
கைது செய்யப்பட்ட நபர்:
வைத்திய பரிசோதனைக்கு உட்படுத்தப்பட்டுள்ளார் பின்னர் நீதிமன்றில் ஆஜர்படுத்த நடவடிக்கை எடுக்கப்பட்டுள்ளதாக பொலிஸார் தெரிவித்துள்ளனர்
இந்த சம்பவம் தொடர்பான மேலதிக விசாரணைகள் தொடர்ந்து நடைபெற்று வருகின்றன.
சமூக கவலை
போதைப்பொருள் பயன்பாடு குடும்பங்களையும் குழந்தைகளையும் தீவிரமாக பாதிக்கும் ஒரு சமூகப் பிரச்சினையாக மாறி வருவதாக சமூக ஆர்வலர்கள் எச்சரிக்கின்றனர்.
குழந்தைகள் பாதுகாப்பு – ஒட்டுமொத்த சமூகத்தின் பொறுப்பு என்பதையும் அவர்கள் வலியுறுத்துகின்றனர்.
