காத்தான்குடியில் வர்த்தக நிலையம் ஒன்றில் தீப்பரவல்!

​காத்தான்குடி பொலிஸ் பிரிவிற்குட்பட்ட பகுதியில் அமைந்துள்ள கட்டடம் ஒன்றில் சற்று முன்னர் பயங்கர தீ விபத்து ஏற்பட்டுள்ளது.

குறித்த கட்டடத்தில் திடீரெனப் பற்றிய தீ, தற்போது அசுர வேகத்தில் பரவி வருவதன் காரணமாகப் பாரிய அளவில் சொத்துச் சேதங்கள் ஏற்பட்டிருக்கலாம் என எமது காத்தான்குடி பிரதேச செய்தியாளர் நிருபர் உத்தியோகபூர்வமாகத் தெரிவித்துள்ளார்.

தீப்பரவல் குறித்துத் தகவல் அறிந்தவுடன் சம்பவ இடத்திற்கு விரைந்த மட்டக்களப்பு மாநகர சபையின் தீயணைப்புப் படையினர் (Fire Brigade), காத்தான்குடி பொலிஸார் மற்றும் அப்பகுதிப் பொதுமக்கள் இணைந்து தீயைக் கட்டுப்பாட்டுக்குள் கொண்டுவருவதற்கான தீவிர முயற்சிகளில் ஈடுபட்டுள்ளனர்.

இவ்விபத்தின் போது கட்டடத்திற்குள் எவரேனும் சிக்கியுள்ளனரா அல்லது உயிராபத்துக்கள் ஏதும் ஏற்பட்டுள்ளனவா என்பது குறித்த விபரங்கள் இதுவரை வெளியாகவில்லை. அத்துடன், தீ விபத்துக்கான துல்லியமான காரணம் இதுவரை கண்டறியப்படாத நிலையில், காத்தான்குடி பொலிஸார் மேலதிக விசாரணைகளை ஆரம்பித்துள்ளனர்.